Čestitka ministra Zenke povodom nastupajućeg praznika Bajrama

More mi je pričalo o sebi, o svojoj večini, o svemu što u njemu živi i o svojoj snazi…Pričao sam moru o islamu i ono se osjetilo malim.

Ovim citatom, u ime Ministarstva za ljudska i manjinska prava i u svoje ime upućujem najiskrene čestitke Reisu Rifatu Fejziću, svim vjerskim službenicima Islamske zajednice u Crnoj Gori  i svim građanima i građankama islamske vjeroispovjesti povodom praznika Bajrama, završetka svetog mjeseca Ramazana.

Duhovni smisao Bajrama je jačanje zajedništva, solidarnosti, tolerancije  i nastojanje da unaprijeđuje opšte dobro. Svima koji ga slave želim mir, zdravlje i radost u krugu svojih najmilijih, im njegova svjetlost obasja dušu i ispuni život najljepšim osećanjima, podari mudrost da odvoje dobro od zla i sačuva sve ono što imaju i vole.

Ovo je vrijeme kada treba da se osjeti posebna snaga i sposobnost mijenjanja na bolje, kada se uspostavlja i širi duh dogovora i razumijevanja.  

Bajram je praznik koji u sebi sadrži elemente opšteljudskog i univerzalnog, naslijeđe i znak vremena, kojem svaka nova generacija dodaje pečat svog trajanja i time svjedoči snazi i duhu koji se prenosi vjekovima.

Kao vjesnik pobjede nad iskušenjima, Bajram uspostavlja ravnotežu između materijalnih i duhovnih vrijednosti i svima koji su postili iskreno želim da im Bog primi post.

MINISTAR

Mehmed Zenka