Danas je ispred biračkog mjesta broj 17 u ulici Novaka Miloševa u Podgorici došlo do verbalnog sukoba između dva lica, nakon čega je došlo do upotrebe noža na štetu jednog lica. Ovaj događaj nije povezan sa izbornim procesom, već je riječ o ranijem sukobu između članova porodice.
Naime, policija je na licu mjesta lišila slobode S.B. (84) koji je nakon verbalnog sukoba, upotrebom noža nanio povredu svom pastorku D.I. (64), a koji je član biračkog odbora. Sa lica mjesta je izuzet nož.
Oštećeni je prevezen na ukazivanje ljekarske pomoći u medicinsku ustanovu.
U toku su dalje policijsko – tužilačke mjere i radnje.