Održan Međunarodni simpozijum “Rješavanje teorija zavjere kroz obrazovanje”

Međunarodni simpozijum na temu “Rješavanje teorija zavjere kroz obrazovanje” održan je 27. juna u Briselu i u hibridnom formatu, u organizaciji UNESCO-a, Evropske komsije, Evropskog jevrejskog kongresa, Alfred Landeker Fondacije i Univerziteta u Kembridžu. 

Simpozijum je okupio predstavnike vlada, akademske zajednice, nevladinog i privatnog sektora, sa ciljem promocije značajne uloge obrazovanja u prevenciji i suzbijanju teorija zavjera.

Imajući u vidu munjevito širenje i prilagodljivost teorija zavjere u zajednicama i društvima savremenog doba, zahvaljujući prije svega digitalnim tehnologijama, sve je veća potreba za javnim zastupanjem i “raskrinkavanjem” ovih teorija, za izgradnjom kapaciteta i usavršavanjem vještina kod edukatora i mladih, u cilju podizanja svijesti i kritičkog razmišljanja neophodnih u borbi protiv teorija zavjere.

Na simpozijumu je predstavljen UNESCO-v priručnik “Bavljenje teorijama zavjere kroz obrazovanje – što nastavnici treba da znaju”, namijenjen edukatorima i nastavnicima u formalnom i neformalnom obrazovanju, kao pedagoški materijal i dodatna literatura potrebna za podučavanje ove teme. 

UNESCO-v izvještaj je dostupan na sledećem linku: https://unesdoc.unesco.org/ark:/48223/pf0000381958

Snimak simpozijuma se može pogledati na Jutjub linku: https://youtu.be/oeodATBzNc4